islamkingdomfaceBook islamkingdomtwitter islamkingdomyoutube islamkingdomnew


ከደካማ ውሃ አልፈጠርናችሁምን?

በተጠበቀ መርጊያ ውስጥም (በማሕፀን) አደረግነው፡፡

እስከ ታወቀ ልክ ድረስ፡፡ መጠንነውም፤ ምን ያማርንም

መጣኞች ነን!

ለአስተባባዮች በዚያ ቀን ወዮላቸው፡፡

ምድርን ሰብሳቢ አላደረግናትምን?

ሕያዋን ኾናችሁ ሙታንም ኾናችሁ፡፡

በውስጧም ከፍተኛዎችን ተራራዎች አደረግን፡፡ ጣፋጭ ውሃንም አጠጣናችሁ፡፡

ለአስተባባዮች በዚያ ቀን ወዮላቸው፡፡

«ወደዚያ በእርሱ ታስተባብሉ ወደ ነበራችሁት (ቅጣት) አዝግሙ፡፡

«ባለ ሦስት ቅርንጫፎች ወደ ኾነው ጥላ አዝግሙ፤» (ይባላሉ)፡፡

አጠላይ ያልኾነ ከእሳቱም ላንቃ የማያድን ወደ ኾነው (አዝግሙ)፡፡

እርሷ እንደ ታላላቅ ሕንጻ የኾኑን ቃንቄዎች ትወረውራለች፡፡

(ቃንቄውም) ልክ ዳለቻዎች ግመሎችን ይመስላል፡፡

ለአስተባባዮች በዚያ ቀን ወዮላቸው፡፡

ይህ የማይናገሩበት ቀን ነው፡፡

ይቅርታም ይጠይቁ ዘንድ፤ ለእነርሱ አይፈቀድላቸውም፡፡

ለአስተባባዮች በዚያ ቀን ወዮላቸው፡፡

ይህ መለያው ቀን ነው፡፡ እናንተንም የፊተኞቹንም ሰብሰብናችሁ፡፡

ለናንተም (ለማምለጥ) ብልሃት እንዳላችሁ ተተናኮሉኝ፡፡

ላስተባባዮች በዚያ ቀን ወዮላቸው፡፡

ጥንቁቆቹ በጥላዎችና በምንጮች ውስጥ ናቸው፡፡

ከሚከጅሉትም ሁሉ በፍራፍሬዎች ውስጥ ናቸው፡፡

«ትሠሩት በነበራችሁት ዋጋ የምትደሰቱ ኾናችሁ ብሉ፣ ጠጡም፤» (ይባላሉ)፡፡

እኛ እንደዚሁ መልካም ሠሪዎችን ሁሉ እንመነዳለን፡፡

ለአስተባባዮች በዚያ ቀን ወዮላቸው፡፡

ብሉ፤ ጥቂትንም (ጊዜ) ተጠቀሙ፡፡ እናንተ አመጸኞች ናችሁና፡፡

ለአስተባባዮች በዚያ ቀን ወዮላቸው፡፡

«ለእነርሱ ስገዱም» በተባሉ ጊዜ አይሰግዱም፡፡

ለአስተባባዮች በዚያ ቀን ወዮላቸው፡፡

ከእርሱም ሌላ በየትኛው ንግግር ያምናሉ?