islamkingdomfaceBook islamkingdomtwitter islamkingdomyoutube islamkingdomnew


ምግብም ከእሳት ሰዎች ቁስል እጣቢ (እዥ) በስተቀር የለውም፡፡

ኀጢኣተኞች እንጅ ሌላ አይበላውም፤ (ይባላል)፡፡

በምታዩትም ነገር እምላለሁ፡፡

በማታዩትም ነገር፡፡

እርሱ (ቁርኣን) የተከበረ መልክተኛ ቃል ነው፡፡

እርሱም የባለቅኔ ቃል (ግጥም) አይደለም፡፡ ጥቂትን ብቻ ታምናላችሁ፡፡

የጠንቋይም ቃል አይደለም፡፡ ጥቂትን ብቻ ታስታውሳላችሁ፡፡

ከዓለማት ጌታ የተወረደ ነው፡፡

በእኛ ላይም ከፊልን ቃላት (ያላልነውን) በቀጠፈ ኖሮ፤

በኀይል በያዝነው ነበር፡፡

ከዚያም ከእርሱ የልቡን ሥር (የተንጠለጠለበትን ጅማት) በቆረጥን ነበር፡፡

ከእናንተም ውስጥ ከእርሱ ላይ ከልካዮች ምንም አይኖሩም፡፡

እርሱም (ቁርኣን) ለጥንቁቆቹ መገሠጫ ነው፡፡

እኛም ከእናንተ ውስጥ አስተባባዮች መኖራቸውን በእርግጥ እናውቃለን፡፡

እርሱም (ቁርኣን) በከሓዲዎቹ ላይ ጸጸት ነው፡፡

እርሱም የተረጋገጠ እውነት ነው፡፡

የታላቁን ጌታህንም ስም አወድስ፡፡

ወዳቂ ከኾነው ቅጣት ጠያቂ ጠየቀ፡፡

በከሓዲዎች ላይ (ወዳቂ ከኾነው) ለእርሱ መላሽ የለውም፡፡

የ(ሰማያት) መሰላሎች ባለቤት ከኾነው አላህ (መላሽ የለውም)፡፡

መላእክቱና መንፈሱም ልኩ አምሳ ሺሕ ዓመት በኾነ ቀን ውስጥ ወደእርሱ ያርጋሉ፤ (ይወጣሉ)፡፡

መልካምንም ትዕግስት ታገሥ፡፡

እነርሱ (ያንን ቀን) ሩቅ አድርገው ያዩታል፡፡

እኛም ቅርብ ኾኖ እናየዋለን፡፡

ሰማይ እንደ ዘይት አተላ በምትኾንበት ቀን፡፡

ጋራዎችም በተለያዩ ቀለማት እንደ ተነከረ ሱፍ (ነፋስ እንደሚያበረው) በሚኾኑበት ቀን፡፡

ዘመድም ዘመድን በማይጠይቅበት ቀን፤ (መላሽ የለውም)፡፡